သေသူကို သရဏဂုံတင်ခြင်း ပြဿနာ

အစိမ်းသေ သေသောသူကို သရဏဂုံတင်လို့ရ -မရနှင့် သူ့ရဲ့အသုဘမှာ ငါးပါးသီလ ခံယူလို့ ရ-မရ သိချင်ပါတယ်။ အကြောင်းအကျိုး ယုတ္တိယုတ္တာ သာဓက ၀တ္ထုလေးတင်ပြပေးပါဘုရား။ ကျေးဇူးတင်ပါသည်ဘုရား..

အထက်ပါ မေးခွန်းရှင်၏ စကားအရ  မည်သည့်နည်းနှင့်သေသူကိုမဆို အလောင်းကို သရဏဂုံတင်လျင် မရနိုင်ပါ၊ နောက် တဖန် သေလွန်သူ၏ အသုဘမှာ ငါးပါးသီလ ခံယူခြင်းသည်လည်း ကျစ်ရစ်သူ မိသားစုများအတွက် သာ ဖြစ်နိုင် ပါသည်၊   သေပြီးသူအတွက် ထူးခြားမလာပါ၊ သို့ပါသော်လည်း ထိုသို့သရဏဂုံတင်ခြင်းသည် ကျန်ရစ်သူမိသားစု၏ မေတ္တာ၊ ကရုဏာ   စေတနာတို့ကို ဖော်ပြရာရောက်သဖြင့် အကျိုးယုတ်ခြင်း မရှိသောကြောင့် ပြုလုပ်သင့်သော ကုသိုလ်ဓလေ့တခုဟု ဆိုသင့်ပါ သည်။  လိုရင်းတိုရှင်းဖြေလျင် ဒါလောက်ဆို လုံလောက်ပါတယ်၊ ဒါပေမယ့် အကြောင်းရင်းကို အကျိုးအကြောင်း ပြည့်စုံစွာ ရှင်းပြမှ အဆင်ပြေမှာ ဖြစ်တာကြောင့် သိသင့်တာလေးတွေကို ရှင်းပြပါရစေ..

သရဏဂုံ အဓိပ္ပါယ်

ဘယံ သန္တာသံ ဒုက္ခံ ဒုဂ္ဂတိပရိကိလေသံ သရတိ ဟိံသတိ ၀ိနာသေတီ တိ သရဏံ၊

( ကြောက်ခြင်း ထိတ်လန့်ခြင်းသဘောရှိသော ဆင်းရဲများနှင့် အပါယ်သို့ ကျရောက်စေတတ်သော ကိလေသာတို့ကို ညှင်းဆဲတတ်၊ ဖျက်ဆီးသတ်တတ်သောကြောင့် သရဏ ( ကိုးကွယ်ဆည်းကပ်ရာ ) လို့ ခေါ်ဆိုရကြောင်း ) ဂမန-သဒ္ဒါက  မှီဝဲဆည်းကပ်ခြင်း ကပ်ရောက်ခြင်းဆိုတော့ (သရဏ- ဂမန) နှစ်ပုဒ်ကို ပါဠိပျက်အနေဖြင့် သရဏဂုံ လို့ ခေါ်ဆိုကြောင်း  မူလပဏ္ဏာသ အဋ္ဌကထာ ပ-၁၃၆ မှာ ဆိုထားပါတယ်၊

ဗုဒ္ဓဘာသာဝင်တယောက်အတွက် ဘ၀မှာ သရဏဂုံဟာ အရေးပါလှပါတယ်၊ ဘုရားဟောဒေသနာများမှာ သရဏဂုံကို အသက်ထက်ဆုံး တည်မြဲစွာ စောင့်ထိန်းခဲ့လျင် ကောင်းရာသုဂတိကို ရောက်နိုင်သလို တမဂ်တဖိုလ်အထိ မျှော်လင့်နိုင် ကြောင်း စသည်ဖြင့် ၀တ္ထုသာဓကတွေ ဟေားထားခဲ့တယ်၊ ထိုသရဏဂုံဟာ အသက်ထင်ရှားရှိစဉ်မှာ ဆောက်တည်ထား ပြီးသော် လည်း သေသွားရင်တော့ အလိုအလျောက် ပျက်ဆီးသွားပါတယ်၊ လူ့ခန္ဓာကိုယ်မှ သိစိတ်ဝိဥာဉ် မရှိတော့တဲ့ အတွက်ကြောင့်   စောင့်ထိန်းမယ် ဆိုတဲ့ စိတ်လဲ မတည်မြဲတော့ပါဘူး ၊

အသက်ရှင်စဉ်မှာ တခြားသော အယူဝါဒ ဘာသာကို ပြောင်းလဲကိုးကွယ်ရင်လဲ သရဏဂုံပျက်တတ်ပါတယ်၊ ထို့ကြောင့် အစိမ်းသေဖြစ်စေ၊ လူကြီးရောဂါဖြင့် မီးစာကုန် ဆီခန်း သေသည်ဖြစ်စေ သေသူကို သရဏဂုံတင်လို့ မရနိုင်ကြောင်းကို ရှေးဦးစွာ  မှတ်သားရပါမယ်။

သေသူ၏ အသုဘ၌ ငါးပါးသီလ ခံယူခြင်း ဆိုသည်မှာလဲ ကျန်ရစ်သူတို့က မိမိ၏ ဆွေမျိုးသားချင်းများ ကုသိုလ်ရစေရန် သို့တည်းမဟုတ် သေသူ့အပေါ်တွင် ဘယ်လောက်ချစ်ကြောင်း၊ သံယောဇဉ်ထားကြောင်း၊ စသည်ဖြင့်  မေတ္တာစေတနာ ကရုဏာတို့ကို ဖော်ပြလိုသောကြောင့် ကုသိုလ်လုပ်ကြခြင်း ဖြစ်ရကား သေသူအတွက်တော့ သာဓုခေါ်နိုင်သော ဘ၀ေ ရာက်နေ လျင် အကျိုးထူးပါမည်၊ သာဓုမခေါ်ဆိုနိုင်သော ဘ၀သို့ ရောက်နေလျင် အကျိုးမထူးပါ၊ ကျန်ရစ်သူ များမှာတော့ ကုသိုလ်ေ ကာင်း မှုတခု ပြုလုပ်ခွင့် ရသွားပါသည်။

ဘုရားခေတ်က သာဓက

ဘုရားရှင်လက်ထက်က ဇာဏုေဿာဏိ ဆိုတဲ့ ပုဏ္ဏားကြီးတယောက်ရှိတယ်၊ ဒေသနာများမှာတော့ အဲဒီပုဏ္ဏားကြီးဟာ ကတ်သီးကတ်သတ် မေးခွန်းများ မေးလေ့ရှိသူလို့ နာမည်ကြီးသပေါ့၊ တနေ့မှာ အဲဒီ ပုဏ္ဏားကြီးက သေသူကို ရည်စူးကာ အမျှဝေရာတွင် တမလွန်ရောက်နေသူတိုင်း အကျိုးခံစားခွင့် ရှိ မရှိ ဆိုတဲ့မေးခွန်းကို မေးတယ်၊ အဲဒီအကြောင်းကို ဘုရားရှင်နဲ့ ပုဏ္ဏားကြီးတို့ အပြန်အလှန်မေး- ဖြေစကားများကို ကြားရရင် နားလည်နိုင်မည် ထင်ပါသည်။

အရှင်ဂေါတမ - သေသူကို ရည်စူးကာ အမျှဝေရာတွင် တမလွန်ရောက်နေသူတိုင်း အကျိုးခံစားခွင့် ရှိ ပါသလား ပုဏ္ဏားကြီး သာဓုခေါ်နိုင်တဲ့ဘ၀ကိုရောက်ရင် အကျိုးခံစားနိုင်ပါတယ်.

ဘယ်လို ဘ၀မျိုးက သာဓုခေါ်နိုင်ပြီး ဘယ်လို ဘ၀မျိုးက သာဓုမခေါ်နိုင်ပါသလဲဘုရား ..

သေခါနီးမှာ စွဲလန်းစိတ်နဲ့သေပြီး မကျွတ်မလွတ်တဲ့ တစ္ဆေ သရဲ ပြိတ္တာ စတဲ့ ဘုံဘ၀ကိုရောက်နေရင်၊ ကိုယ်ကလဲ ကောင်းမှုပြုကာ သူ့ကို ရည်စူးအမျှဝေရင်၊ သူကလဲ ၀မ်းသာစွာ သာဓုခေါ်ရင် အကျိုးခံစားခွင့် ရရှိနိင်ပါတယ်၊

သေပြီးနောက် လူ့ပြည်၊ နတ်ပြည်၊ ငရဲပြည်ကို ရောက်သွားသူများ၊ တိရိစ္ဆာန်ဘ၀ကိုရောက်သွားသူများဟာ ကျန်ရစ်သူ များက ဘယ်လိုပင်အမျှဝေသည်ဖြစ်စေ သာဓုမခေါ်နိုင်တော့ပါဘူး၊

ဒါဆိုရင်ဘုရား.. သူတို့က သာဓုမခေါ်နိုင်ရင် ကုသိုလ်လုပ်ပေမယ့် အကျိုးမရှိတော့ဘူးပေါ့..

အကျိုးမရှိတာ မဟုတ်ပါဘူး၊ ရှိပါတယ် ပုဏ္ဏားကြီး၊ ယခုလက်ရှိသေပြီးသူက သာဓုမခေါ်နိုင်သော်လည်း ဆွေမျိုးတော်ပြီး မကျွတ်မလွတ်သေးတဲ့ဆွေမျိုးတွေ အများကြီး ရှိနေတယ်၊ သူတို့ကလဲ ငါတို့ဆွေမျိုးတွေ ဘယ်တော့များ ကောင်းမှုပြုပြီး အမျှဝေကြမလဲ .. လို့ စောင့်စား မျှော်လင့်နေကြတယ်၊ ဒါကြောင့် သူတို့သာဓုခေါ်နိုင်တာကြောင့် အကျိုးရှိပါတယ်..

အဲဒီလို ဆွေမျိုးတော်သူတွေ မရှိတော့ဘူး ဆိုရင်ရော ဘုရား ..

 ပုဏ္ဏားကြီး ရှည်လျားလှတဲ့  သံသရာမှာ ဆွေမျိုးမတော်စပ်ခဲ့ဘူးတဲ့သူဆိုတာ မရှိနိုင်ဘူး၊ ဒါကြောင့် ကိုယ်ပြုသမျှ ကုသိုလ် ဟာ အလကားမဖြစ်ပါဘူး လို့ မိန့်တော်မူခဲ့တယ်။

တဆက်ထဲတွင် သေပြီးနောက် (၇) ရက်လွန်လျင် (၅) ရက်လွန်လျင် ရက်လည်ဆွမ်းသွပ်၊ ပရိတ်တရားတော်နာခြင်း စသည်တို့ကို လူအများစု ယုံကြည်နေကြသည်ကား သေပြီးနောက် တပတ်တိတိ ကျန်ရစ်သူအိမ်သူအိမ်သားတို့၏ ပတ်ဝန်း ကျင်မှာ ကျင်လည်နေကြမြဲဖြစ်သည်၊ ရက်လည်ပြီးကာမှ သွားလိုရာ ဘုံဋ္ဌာန၊ ရောက်သင့်ရာဘုံဋ္ဌာန တခုခုသို့ ရောက်ကြရ သည် ဟူသော အန္တရာဘ၀ ဒိဋ္ဌိ ( ပစ္စုပ္ပန်ဘ၀နှင့် တမလွန်ကြားတွင် ဘ၀တခုရှိနေသေးသည် ) ဟူသော မှားယွင်းသော အယူအဆ ရှိနေသောကြောင့် လုပ်ကြခြင်း ဖြစ်သည်။ အမှန်တော့ မကျွတ်မလွတ်သေးသော တစ္ဆေ သရဲ ပြိတ္တာတို့ ဖြစ်နေမှသာ သာဓုခေါ် နိုင်ပြီး ကောင်းကျိုးချမ်းသာများ ခံစား စံစားနိုင်ပါသည်။

အထူးအားဖြင့် အစိမ်းသေ ( accident ) တခုခုဖြင့်သေလွန်သူကို စာပေစကားအရ ဥပေစ္ဆေဒကကံ ဖြင့် သေသူလို့ ဆိုရပါမယ်၊ ထိုသူမျိုးဟာ သေခါနီးတွင် ကြောက်လန့် ထိတ်လန့်ခြင်း၊ အော်ဟစ်ခြင်း၊ နာကျင်သော ဝေဒနာကို ခံစား နေရသဖြင့် ကုသိုလ်ဖြစ်စေမည့် ဘုရားတရားအာရုံကို နှလုံးသွင်းဖို့ ခဲယဉ်းသောကြောင့် ဘ၀ကူး ကောင်းဖို့လည်း ခက်ခဲ ပါလိမ့်မည်။ ထိုသူမျိုးအတွက် အမျှဝေရန် ဧကန်လိုအပ်ပါသည်။

ဗုဒ္ဓအဘိဓမ္မာအလိုအရ ဒီဘ၀ စုတိစိတ်ကျပြီးလျင် နောက်ဘ၀တွင် ခဏငယ်အနည်းငယ်သာခြားပြီး  ပဋိသန္ဓေနေရသည် ဟု အတိအလင်းဖော်ပြထားသည်၊ ဆိုလိုသည်မှာ မြန်မာပြည်မှာ သေသွားသူသည် အင်္ဂလန်၊ ပြင်သစ် အမေရိကန် စသောဝေး လံသောအရပ်သို့ တခဏချင်း သွားရောက် ၀င်စားနိုင်ပေသည်။ ဥပမာ စိတ်သည် ယခုချက်ချင်း မရောက် ဖူးသေးသော တနေရာကို အာရုံပြုလျင် ချက်ချင်းလက်ငင်း အချိန်မဆိုင်းပဲ ရောက်ရှိနိုင်သောကြောင့်ပင်၊ ထို့အတူ ပဋိသန္ဓေစိတ်သည်လည်း အာရုံပြုမိရာ တနေရာရာကို ရောက်နိုင်ပါသည်၊ စိတ်၏ လျင်မြန်ပုံကား ဥပမာပြဖို့ပင် မဖြစ်နိုင် တော့ပါ၊

အနှစ်ချုပ်အနေဖြင့် လူတယောက်မှာ သေဆုံးသွားရင် ထိုပုဂ္ဂိုလ် တသက်လုံးဆောက်တည်လာခဲ့တဲ့ သရဏဂုံဟာ အလိုလို ပျက်ဆီးသွားပါတယ်၊ ခံယူနိုင်စွမ်း စိတ်ဝိဥာဉ် မရှိတော့လို့ပါ၊ ကျန်ရစ်သူမိသားစုများကလဲ ဘာမှ မတတ် နိုင်ကြတော့ဘူး ဆိုတော့ ဒီဘက်ဘ၀မှာ ငါတို့တော့  လက်လွှတ်လိုက်ရပြီ၊ သို့သော်လည်း  ဟိုဘ၀မှာ သတိရလျင် သရဏဂုံဆက်ပြီး ယူပါစေတော့ရယ်လို့ ရည်စူးကာ လူသေကို သရဏဂုံတင်ကြခြင်း ဖြစ်ပါတယ်။

မေတ္တာဖြင့်

အရှင်သုနန္ဒာလင်္ကာရ M.A ( ပန်းကမ္ဘာ)

Date.1.Jun.2012

ပါရမီတော် ဘုရားရှိခိုးဂါထာ

ယော ကပ္ပကောဋီဟိ ပိ  အပ္ပမေယျံ၊

ကာလံ ကရောန္တော အတိဒုက္ကရာနိ၊

ခေဒံ ဂတော လောကဟိတာယ နာထော၊

နမော မဟာကာရုဏိကဿ တဿ၊

ယော နာထော- ဝေနေယျများစွာ သတ္တ၀ါ၏ ချမ်းသာစီးပွား လိုလားတောင့်တ ဂုဏ်ပေါင်းခသဖြင့် နာထမည်ငြား အကြင် ဘုရားရှင် ကိုယ်တော်မြတ်ကြီးသည်၊ ကပ္ပကောဋီဟိပိ- ကုဋေကုဋာ အရေအတွက် သင်္ချာတို့ဖြင့်သော်လည်း၊ အပ္ပမေယျံ- ရေတွက် တိုင်းတာ ဖော်ပြခြင်းငှါ မစွမ်းနိုင်ထသော၊ ကာလံ- လေးအသင်္ချေ သိန်းနေကမ္ဘာ ရှည်ကြာလှစွာ သောကာလ ပတ်လုံး၊   လောကဟိတာယ- သတ္တလောက၏ အကျိုးစီးပွားအလို့ငှါ၊ အတိဒုက္ကရာနိ- ဥစ္စာ အသက် ခြေ လက် အင်္ဂါ၊ မေတ္တာကြီးမား သမီး သားနှင့် သက်ထားဇနီး စွန့်ခြင်းကြီးဟု ကြက်သီးထဖွယ် ငါးသွယ်အစု အလွန်ခဲယဉ်းသော အမှုတို့ကို၊ ကရောန္တော- ဘုရားဖြစ်ရန် ရည်သန်ကြိုးကုတ် အားထုတ်တော်မူရသည်ဖြစ်၍၊ ခေဒံ- လက်ခြေမျက်လုံး အသက်ဆုံးလျက် နှလုံးစိတ်ဝမ်း ကိုယ်တော်၏ ပင်ပန်းခြင်းသို့၊ ဂတော- ဘ၀အတန်တန် ကြိမ်ဖန်ပြေးသွား၍ ကျင်လည်ခဲ့ရရှာလေပြီ၊

မဟာကာရုဏိကဿ- သတ္တ၀ါအများ ရင်ဝယ်သားကဲ့သို့ သနားချစ်ခင် မဟာကရုဏာရှင် ဖြစ်တော်မူသော၊ တဿ နာထ ဿ - ဝေနေယျများစွာ သတ္တ၀ါ၏ ချမ်းသာစီးပွား လိုလားတောင့်တ ဂုဏ်ပေါင်းခသဖြင့် နာထမည်ငြား၊ ထိုဘုရားရှင် ကိုယ်တော်မြတ်ကြီး အား၊ နမော- ရိုသေပျောင်းပျော့ မာန်ကိုလျော့၍ ကန်တော့ရိုကျိူး ရှိခိုးခြင်းသည်၊ အတ္ထု ဘ၀တု- စင်စစ်မသွေ   ဖြစ်ပါစေ သတည်း………

အထက်ပါဂါထာကတော့ မြတ်စွာဘုရားရှင်၏ ပါရမီတော်တို့ကို လွန်စွာကြည်ညိုတော်မူသည်ဖြစ်သောကြောင့် တရားပွဲ တိုင်းတွင် ပလ္လင်တော်ပေါ်၌ ရွတ်ဆိုပူဇော်အပ်သော ကျေးဇူးတော်ရှင် ပါမောက္ခချုပ်ဆရာတော်ကြီး ဒေါက်တာ အရှင်နန္ဒ မာလာဘိဝံသ၏ လက်သုံးဂါထာဖြစ်ပါတယ်။

ဝိစိတြ၀န္ဒနာ ဘုရားရှိခိုးဂါထာ

ပညာဝံ ပည၀ါ ဗုဒ္ဓ၊ သုတ၀ံ သုတ၀ါ တုလ၊

ဘဂ၀ံ ဘဂ၀ါ ဘောန္တံ၊ ဘောန္တံ ၀န္ဒာမိ ဘောန္တဂုံ။

ပညာဝံ ပည၀ါ- ပညာရှိသူ နတ်လူတို့ထက် အထူးပညာရှိတော်မူထသော၊ သုတ၀ံ သုတ၀ါ- သုတရှိသူ နတ်လူတို့ထက် အထူးသုတ ရှိတော်မူထသော၊ ဘဂ၀ံ ဘဂ၀ါ- ဘုန်းကံရှိသူ နတ်လူတို့ထက် အထူးဘုန်းကံ ရှိတော်မူထသော၊ အတုလံ- တုဘက်လွတ်ကင်း သုံးလူ့မင်းလည်း ဖြစ်တော်မူပေထသော၊ ဗုဒ္ဓ - သဗ္ဗညု မြတ်စွာဘုရား၊

ဘောန္တံ (အဘ၀န္တံ)- သံသရာဘ၀ မဆုံးနိုင်သူ နတ်လူဗြဟ္မာအပေါင်းတို့ကို၊ ဘောန္တံ (ဘ၀န္တံ)- ဆုံးသော ဘ၀ရှိသည်ကို၊ ဘ၀န္တံ ဘာဝန္တံ- ဖြစ်စေတော်မူတတ်ထသော၊ ဘောန္တဂုံ ဘ၀န္တဂုံ- ဘ၀ဆုံးရာ နိဗ္ဗုတာသို့ ရှေးဦးစွာ ရောက်တော်မူပြီး ထသော၊ ဘောန္တံ- ကိုယ်တော့်သခင် ဘုရားရှင်ကိုယ်တော်မြတ်ကြီးကို၊ ၀န္ဒာမိ- လက်စုံမိုးကာ ရှိခိုးပါ၏၊

ဝန္ဒာမိ- ကိုယ်နှုတ်နှလုံး သုံးပါးပျောင်းပျော့ မာန်ကိုလျော့၍ ကန်တော့မြတ်နိုး လက်အုပ်မိုးကာ ရှိခိုးဦးညွတ်ပါ၏ မြတ်စွာဘု ရား   မြတ်စွာဘုရား ……………….

အမေများ၊ အမျိုးသမီးများစွာ၏ မွေးကျေးဇူးဂုဏ်၊ အမေ့မေတ္တာ၊ အမေ့ကျေးဇူးတို့ကို ထုတ်ဖော်ချီးကျူးဟောကြားရာတွင် နာမည်ကြီး ကျော်ကြားသော မြစကြာဆရာတော် နိုင်ငံကျော်ဓမ္မကထိက ဦးလက္ခဏ ၏ ပလ္လင်ပေါ်က ဘုရားရှိခိုးဂါထာ   တော်ဖြစ်ပါ တယ်၊ ယခုအခါ ဆရာတော်သည် အသက်တော်ကြီးပြီဖြစ်၍ မန္တလေးမြို့ အရှေ့ပြင် ရန်ကင်းတောင်ခြေတွင် ဘာဝနာတရား လက်ကိုင်ထားကာ တောရိပ်တောင်ရိပ် ခိုကာ သီတင်းသုံးနေပြီ ဖြစ်ပါတယ်။

အဘိဓမ္မာဆိုင်ရာ အမေးအဖြေများ 2

အဘိဓမ္မာဆိုင်ရာ အမေးအဖြေများ 1

ကံတူသော်လည်း အကျိုးပေးမတူခြင်းအကြောင်း

မေး - ကဿပဘုရားရှင် လက်ထက်က ရဟန်းတပါးသည် အနှစ်နှစ်သောင်း ရဟန်းတရားကို အားထုတ်ခဲ့ သော် လည်း သေခါနီး၌ မြက်ပင်တို့ကို မတော်တဆ နှုတ်မိသော ၀ိနည်းပြစ်ကိုအမှတ်ရ၍ ဘုရားနှစ်ဆူကြား ကာလပတ်လုံး တိရိစ္ဆာန် နဂါးဘ၀ ဖြစ်ရခြင်း၊

မလ္လိကာ မိဖုရားကြီးသည် ကြီးကျယ်သော အသဒိသဒါန ( အတုမရှိသော အလှူဒါန ) ကြီးကို ပေးလှူခြင်းစသော များစွာ သော ကုသိုလ်များပြုခဲ့ပါလျက် သေခါနီးကာလတွင် ပြုခဲ့ဖူးသော အကုသိုလ် အပြစ်အနည်းငယ်ကို မပြုလုပ်ပါ ဟု ကောသလမင်းကြီး အား မုသားစကားပြောကြားခဲ့သည်ကို အမှတ်ရ၍ (၇) ရက် ငရဲဒုက္ခ ခံရခြင်း၊

တိဿရဟန်းသည် သေခါနီးကာလ၌ မိမိသင်္ကန်းကို စွဲ၍ (၇) ရက် သန်းပြိတ္တာဖြစ်ရခြင်းတို့တွင် သေးငယ်သော အပြစ်ချင်း တူပါလျက် အဘယ့်ကြောင့် မြက်ပင်နှုတ်မိသော ရဟန်းက အချိန်ကြာမြင့်စွာ တိရိစ္ဆာန်ဖြစ်ရပါသနည်း ….

အဖြေ - ဒါက ဘ၀မှာ ဖြစ်စေတဲ့ အကြောင်းလေးတခုသာ ရည်ညွန်းပြောတာ၊ ဒီပုဂ္ဂိုလ်တွေရဲ့ အရည်အချင်းက မတူဘူး၊ ပတ်ဝန်းကျင် အခြေအနေတွေချင်းက မတူညီကြဘူး၊ ပုဂ္ဂိုလ်တယောက်နဲ့ တယောက်ဟာ တိုင်းတာလို့ မရနိုင်ဘူး၊ အခု ဒီသင်တန်း တက်နေကြတဲ့ သူတွေတောင်မှ တစ်ယောက်နဲ့ တစ်ယောက် အရည်အသွေးချင်း၊ သဘောထားချင်းက တူလို့ မရဘူးလေ၊ ကွဲပြားခြားနားမှုတွေ အမြဲတမ်း ရှိနေတတ်တယ်၊

အဲဒီ မတူညီတဲ့ သဘောတွေကို တူတယ်လို့ သွားပြီး ယူဆလို့ ရှိရင် မှားသွားမှာပေါ့၊ မတူတဲ့ အခြားအခြေအနေတွေကို ထည့် သွင်းပြီးတော့ စဉ်းစားရမယ်၊ ခုနတုန်းက အနှစ်နှစ်သောင်းရဟန်းတရား အားထုတ်ပြီးတဲ့အခါမှာ နဂါးဘုံ ရောက် သွားတယ် ဆိုတာက နဂါးဘ၀က အသက်ရှည်တဲ့ ဘ၀မျိုးကို ရောက်သွားသည့်အတွက်ကြောင့်ပဲ၊  ပြီးတော့ နဂါးဘ၀ကလဲ တပိုင်းက နတ်နဂါး ဆိုတော့ စည်းစိမ်ချမ်းသာက တစ်ဖက်ရှိနေတဲ့ အနေအထားတခုပေါ့၊  အဲဒီလို အနေအထားရှိတဲ့ ဘုံဘ၀ရောက် သွားတော့ သူ့သက်တမ်း life span အတိုင်း သွားတော့တာ၊ သူက ကံတင် မကဘူး၊ စိတ်၊ ဥတု၊ အာဟာရ တွေရော ဖန်တီး လာတာ၊

သန်းဖြစ်တဲ့ ကိုယ်တော်ကျတော့ သန်းဆိုတာက သက်တမ်းရှည်တဲ့ ဘ၀မဟုတ်ဘူး၊ တိုတောင်းတဲ့ ဘ၀၊ သူ့ရဲ့ဗီဇ ရောက်လာတဲ့ ဘ၀ရဲ့အခြေအနေတွေကလည်း ထည့်ပြီး စဉ်းစားရအုံးမယ်၊

ပြီးတော့ မလ္လိကာ မိဖုရားကြီး ငရဲကျတယ်၊ ငရဲ ဆိုတဲ့သဘောက ငရဲပြည်မှာသက်တမ်းသက်သက် မရှိဘူး၊ ကံသည်ပင် သူတို့ရဲ့ သက်တမ်းပဲ၊ သူ့ကံရဲ့ အရှိန်ကုန်တာနဲ့ ချက်ချင်းလွတ်တယ်၊ ကံအရှိန် မကုန်သေးသမျှတော့ ဆက်သွားနေမှာပဲ၊ ဘယ်တော့ မှ သေတယ် လို့ မရှိဘူး၊

“ န စ တာဝ ကာလံ ကရောတိ၊ ယာဝ န တံ ပါပကမ္မံ ဗျန္တီ ဟောတိ ” ကံမကုန်သေးသမျှ ဘယ်ငရဲသားမှ ဘယ်တော့မှ သေတယ် လို့ မရှိဘူး၊ ဘယ်လောက် ညှင်းဆဲ ညှင်းဆဲ၊ ဘယ်လောက် ဒုက္ခတွေ ရောက်ရောက်၊ ကံမကုန်သေးလျင် မသေ ဘူး လို့ ဆိုတယ်၊ အဲဒီတော့ ကိုယ်လုပ်ခဲ့တဲ့ ကံသည်ပင် ငရဲပြည်ရဲ့ life span ပဲ၊ သက်တမ်းတစ်ခုပဲ၊

အဲဒီတော့ လူမှာ အကြောင်းတခုထဲကို မကြည့်ပဲနဲ့ အခြား အခြေအနေကောင်းတွေ၊ အခြေအနေ မကောင်းတာတွေ အများ ကြီး ရှိသေးတယ် ဆိုတာ ထည့်သွင်းပြီးတော့ စဉ်းစားရမယ်၊

သူလည်း ကောင်းတာလုပ်တာပဲ၊ ငါလည်း ကောင်းတာလုပ်တာပဲ၊ သူလည်း မကောင်းတာလုပ်တာပဲ၊  ငါလည်း မကောင်း တာ လုပ်တာပဲ၊ အကျိုးပေးခြင်းကျတော့ တူတယ်၊ မတူဘူး လို့သွားပြောလို့ မရဘူး၊ ရာဇ၀တ်မှုတစ်ခု ကျူးလွန်တာ တောင်မှ လွတ်တဲ့သူက လွတ်သွားတာပဲ၊ ခံရတဲ့သူက ခံရတယ်လေ၊ ဘာဖြစ်လို့တုန်းဆိုတော့ အခြေအနေချင်း မတူညီလို့၊ ၀ဋ်ကြွေးပါ လာရင် အကုသိုလ်အကျိုးပေးချိန်ကျလာရင် ခံရတာပဲ၊ မလွတ်နိုင်ဘူး၊ ဒါကိုတော့ အခြေအနေလို့ ခေါ်တယ်၊

လောဏကပလ္လသုတ်မှာ ဘာဟောထားသလဲ ဆိုတော့ မြတ်စွာဘုရားက ဆားခဲလေးတစ်ခုကို ဖန်ခွက်တခုထဲမှာ ရှိတဲ့ ရေထဲကို ထည့်လိုက်လို့ရှိရင် အဲဒီရေသည် သောက်မရအောင် ငန်သွားနိုင်တယ်၊ သို့သော် အဲဒီ ဆားခဲကိုပဲ ရေကန်ကြီး တစ်ခုထဲ၊ မြစ်ထဲမှာ ထည့်လိုက်မယ် ဆိုရင် ဘာအရသာမှ မပေါ်ဘူး၊ ဘာမှကို ထူးခြားမလာဘူး၊

အဲဒီလိုပဲ လူတွေမှာလဲ တစ်ချို့ပုဂ္ဂိုလ်တွေမှာ ကောင်းတာတွေ လုပ်ထားတာတွေက အများကြီး၊ မကောင်းတဲ့ အကုသိုလ် မတော်တဆ လုပ်မိအုံး၊ သူကျတော့ ပျောက်သွားတယ်၊ အကုသိုလ်က အကျိုးမပေးဘူး ၀င်မလာတော့ဘူး၊

တစ်ချို့ကျတော့ ကောင်းတာက မရှိဘူး၊ မကောင်းတာတွေက များနေတယ် ဆိုလျင် ခုနက ဆားခဲကို ဖန်ခွက်ထဲက ရေထဲ ထည့်လိုက်သလိုပဲ၊ သူ့ကျတော့ ပိုခံရတယ်၊ ဘာဖြစ်လို့လဲ ဆိုတော့ သူ့မှာ အခြေအနေကောင်းတွေ မရှိဘူး၊ အဲဒီသဘော တွေကို ထည့်စဉ်စားကြည့်လိုက်မယ် ဆိုရင် ကံက အကျိုးပေးတယ် ဆိုတဲ့ နေရာမှာလည်း အခြေအနေတွေပေါ်မှာ မူတည် တယ်၊

တစ်ဦးနဲ့ တစ်ဦးဟာ အခြေအနေတွေချင်း မတူဘူး၊ မတူလျင် အကျိုးပေးတာချင်းလဲ မတူညီနိုင်တော့ဘူး၊ အဲဒီသဘောကို နားလည်မှသာ ကံအကြောင်းတရားတွေကို လက်ခံ ယုံကြည်နိုင်မှာ ဖြစ်ပါတယ်။

Rf. ပါမောက္ခချုပ်ဆရာတော်ကြီး အရှင်နန္ဒမာလာဘိဝံသ၏ ဓမ္မဗျူဟာ သင်တန်းသားများ၏ အမေးကို ဖြေဆိုခြင်း မှ ကောက်နှုတ်   ဖော်ပြပါသည်။

လူသေလူဖြစ်ဝါဒ စာအုပ်ရဲ့ နောက်ကွယ်

အကျိုးသည် အကြောင်းက ဖြစ်ပေါ်လာရ၏ ။ မည်သည့် အမှုကိစ္စ ၊ မည်သည့် အရာဝတ္ထုမျိုးမဆို အကြောင်းမရှိဘဲ   ဖြစ်ပေါ်မလာနိုင် ။
ဤသည်မှာ နိယာမ တရားဖြစ်ပေ၏ ။ ထိုနိယာမ တရားတိုင်းပင် ကျွန်တော် တို့သည် တောင်တွင်းဆရာတော် သျှင်ဥက္ကဋ္ဌ ၏ အဖြစ်ကို ဆင်ခြင်ကြည့်မိ၏ ။ ဆရာတော်သည် “ လူသေလူဖြစ် ” စာအုပ်ကိုရေးခဲ့၏ ။ ဤသို့လူသေ လူဖြစ် စာအုပ် ကိုရေးခြင်းသည်အကြောင်းတရားပင် ဖြစ်လေ၏ ။ဤအကြောင်းတရားကြောင့်ပင် ဆရာတော်မှာ အကျဉ်းထောင်တွင် လည်း ကျောင်းအမှတ်ဖြင့် သီတင်း သုံးခဲ့ရလေပြီ ။ တရားရုံးမှ ပင့်ဘိတ်ခြင်းများကိုလည်း ခံခဲ့ရလေပြီ ။ ပြီးတော့ ဟိုမှသည် မှ ဂ ယက်လှိုင်းထ , သလို ပကာသနိယကံဖြင့် ချီးမြှောက်ကြခြင်းကိုလည်း ခံခဲ့ရလေပြီ ။

ကန်တော့ဆွမ်းနှင့် ခဲမိုး

ထို့အပြင် ယခုတိုင်လည်း အချို့ဒေသများက ဆရာတော်ကြွလာမည်ဆိုလျှင် အင်တိုက်အားတိုက် ကြိုတင်၍ ကန်တော့ ဆွမ်းလောင်းကြသည်။ ဆရာတော်၏ တရားပွဲများကိုလည်း အချို့ဒေသမှ အရှင်သူမြတ်တို့က ကြီးစွာသော မေတ္တာ အာနုဘော်တို့ဖြင့် ခဲမိုးဖြိုင်ဖြိုင်သွန်းကြသည်။ ဤသည် တို့မှာ လူသေလူဖြစ်၏ အကျိုးတရားများပေတည်း။

ရေးရသည့် အကြောင်းရင်း

အမှန်တော့ ဆရာတော် သျှင်ဥက္ကဋ္ဌအနေနှင့် အဘယ့်ကြောင့် “ လူသေလူဖြစ် ” စာအုပ်ကို ရေးရသည် ဆိုသည့်အကြောင်း ရင်း တခုရှိရပေဦးမည်။ ဤသို့ အကြောင်းရင်း တခုရှိ၍သာလျှင် ဆရာတော်သည် လူသေလူဖြစ် စာအုပ်ကို ရေးခဲ့ခြင်း ဖြစ်ရမည် မဟုတ် ပါလော။ ထိုအကြောင်းရင်း တခုရှိရဦးမည် ဆိုသည်ကို မူလက သတိမမူမိခဲ့ကြ ။ ထည့်သွင်း၍လည်း မစဉ်းစားမိခဲ့ကြ ။ဤလိုနှင့်သာ ကျွန်တော်တို့သည် လူသေလူဖြစ် လှုပ်ရှားမှု ပြဿနာထဲတွင် သူလိုကိုယ်လိုပင်ရော၍ ပါနေခဲ့ကြရလေသည် ။

ကျွန်တော်သည် ဆရာကြီးဒဂုန်ဦးလှဖေနှင့်လည်း ပုဂ္ဂိုလ်အရ ဆရာတပည့်လို ရင်းနှီးနေသည်လည်း တကြောင်း။ ပြီးတော့ ဆရာတော် ကြွလာသည်ဟု ကြားရသည်လည်း တကြောင်းကြောင့် တညနေဖက်တွင် ရောက်သွားခဲ့လေသည်။ ထိုအချိန်၌ ဆရာတော်သည် အသားဖြူဖြူ ခပ်ဝဝနှင့် ကော်ကိုင်းမျက်မှန် တပ်ထားသော သတ်လတ်ပိုင်း ကျော်ကျော်လောက်ရှိ လူတယောက်အား “ လူသေလူဖြစ် ” အကြောင်းရပ်များနှင့် ပတ်သက်၍ ရှင်းလင်း မိန့်ကြားလျက် ရှိနေ၏ ။ ထို့ကြောင့် ကျွန်တော်လည်း တိတ်ဆိတ် ငြိမ်သက်စွာ နားထောင်နေမိသည် ။

ဆရာတော်သည် အထောက်အထား အချက်အလက်များခိုင်လုံလောက်စွာဖြင့် အတော်ကြာအောင် ရှင်းလင်းမိန့်ကြားပြီး နောက် “ အင်း …. ဒီလူသေ - လူဖြစ်စာအုပ်ကို ဘာ့ကြောင့် ရေးရတယ်ဆိုတဲ့ ရာဇဝင်ကို ပြောပြရင် မင်းတို့ တော်တော် စိတ်ဝင်စား ကြလိမ့်မယ်ထင်တယ် ” ဟု မိန့်တော်မူလိုက်၏ ။ထို့ကြောင့် ကျွန်တော်က “ မှန်ပါ- အမိန့်ရှိပါအုံးဘုရား ” ဟု လျှောက်လိုက်ရာ၊ ဆရာတော်က အောက်ပါ နောက်ကြောင်း ရာဇဝင်ကလေးကို မိန့်ကြားတော် မူလိုက်ပါတော့သည် ။

ဆွမ်းစားရင်း
ဆရာတော်သည် ၁၉၄၇ - ခုနှစ် ဂျွန်လ ထဲလောက်က ရန်ကုန်သို့ရောက်နေကာဗဟန်းဖက်မှ ပြဿဒ်ကျောင်းတွင် ခေတ္တ သီတင်းသုံး၍ နေခဲ့၏ ။ ထိုအချိန်တွင် ကျွန်တော်တို့၏အမျိုးသား ခေါင်းဆောင်ကြီး ဗိုလ်ချုပ်အောင်ဆန်းက ဆရာတော် အား တာဝါလိန်းလမ်းရှိ သူ၏ နေအိမ်သို့ပင့်၍ ဆွမ်းကျွေးခဲ့လေသည်။ ဆရာတော် ဆွမ်းဘုန်း ပေးပြီးနောက် ဗိုလ်ချုပ်နှင့် အလ္လာပ သလ္လာပ စကားများ နှီးနှောကြလေသည် ။

ဗိုလ်ချုပ်၏ ရဲသွေးရဲမာန်
ဤသို့နှီးနှောကြရာတွင် ဗိုလ်ချုပ်က ဆစ်လူမျိုးဟု ခေါ်သော ပန်ချာပီ လူမျိုးများမှာ တိုက်ပွဲ၌ ကျည်ဆံနောက်ကျောက မှန်ပြီးသေရလျှင် ငရဲသို့လားသည်။ ရှေ့တည့်တည့်မှ ရင်ညွှန့်ကို မှန်ပြီးသေရမှ နတ်ပြည်သို့ ရောက်သည်ဟု အယူရှိကြ ကြောင်း။ ဂျပန်လူမျိုးများမှာလည်း ထိုနည်းအတိုင်းပင် တိုက်ပွဲ၌ ကျဆုံးလျှင် အသေမြတ်သည်  နတ်ပြည်သို့ ရောက်သည် ဟုအယူရှိ ကြကြောင်း ၊ ထို့ကြောင့် တိုက်ရဲ သေရဲ ကြကြောင်း ဤသို့ ယုံကြည်အောင် အယူ ရှိအောင်လည်း ယင်းတို့၏ စာပေများ အဘိဓမ္မာများက အကြောင်း ယုတ္တိ ခိုင်ခိုင်လုံလုံနှင့် ရေးသားပြီး ရဲစိတ် ရဲမာန်များ သွင်းပေးထားကြကြောင်း လျှောက်ထားလေ၏။

တစ်မျိုးသားလုံးအတွက်

ပြီးနောက် ဗိုလ်ချုပ်အောင်ဆန်းက အလားတူပင် ဗမာတပ်မတော်သားများနှင့် ဗမာတမျိုးသားလုံး အတွက်လည်း မိမိတို့ တိုင်းပြည်နှင့် လူမျိုးအတွေက် တိုက်ပွဲဝင်ကြသည့် အခါတွင် တိုက်ရဲ သေရဲ အသက်စွန့်ရဲအောင် မကြောက်တရားသွင်း ပေးသည့် စာပေနှင့် အဘိဓမ္မာများအထူးပင် လိုအပ်နေကြောင်း ၊
ထို့ကြောင့် ထိုစာပေမျိုး အဘိဓမ္မာမျိုးကို ဆရာတော် အနေနှင့် ရေးသားပြုစုပေးနိုင်မည်ဆိုလျှင် အလွန်တန်ဘိုး ရှိမည် ဖြစ်ကြောင်းဆက်လက် လျှောက်ထားသည်ဟု ဆိုပါသည်။

လူသေလူဖြစ် စာအုပ်နိဒါန်း စပြီ

ထိုအခါတွင် ဆရာတော်က ရုတ်တရက်ပြန်၍ “ လူသေ လူဖြစ် - လူဖြစ် လူသေ - တိုက် ကြ ဟေ ” ဟု ရွတ်ဆို ပြလိုက်ရာ ဗိုလ်ချုပ်က အတော် သဘောကျ၍ သွားလေသည်။ ဆရာတော်ကလည်း ဆက်လက်၍ လူသေလျှင် လူပြန်ဖြစ်နိုင်သည့် အကြောင်းကို “ ဥပါဒါနပစ္စယာ ဘဝေါ ” ဆိုသည့် အပိုဒ်ဖြင့် ဥပါဒါန်ကြောင့် ဘဝ ဖြစ်ရပုံများကို အကျယ်တဝင့် ရှင်းပြရာ ဗိုလ်ချုပ်က များစွာနှစ်သက် လိုလားသွားသဖြင့် ဆရာတော်အား ရန်ကုန်တွင် ဝါဆို၍ ထိုသဘောတရားကို ကျမ်းတစောင် အဖြစ် အပြီးရေးပေးပါရန် လျှောက်ထားတော့၏ ။ သို့သော် ဆရာတော်ကမူ ရန်ကုန်မှာတော့ ဝါမဆိုလိုကြောင်း ၊ တောင် တွင်းသို့သာ ပြန်၍ ဝါဆိုကာ ကျမ်းကို တဝါတွင်းနှင့် အပြီးရေးပေးမည် ဖြစ်ကြောင်း ပြန်လည် မိန့်ကြားခဲ့လေ၏ ။

ရေးဆဲတွင်
ပြီးနောက် ဆရာတော်လည်း ဂျွန်လကုန်လောက်တွင် တောင်တွင်းသို့  ဝါဆိုမှီ ပြန်ကြွသွားခဲ့သည်။ တောင်တွင်းသို့   ပြန် ရောက် သည့် အချိန်မှ စ၍လည်း ဆရာတော်သည့် ဗိုလ်ချုပ်အလိုရှိနေသော “လူသေ လူဖြစ်” ကျမ်းကို စတင်ရေးသား လေတော့သည်။ သို့သော် မြှော်လင့် သလိုကားမဖြစ်ခဲ့ ၊ မမြှော်လင့် သလိုသာ ဖြစ်ခဲ့ရလေသည် ။ အကြောင်းကတော့ ဂျူလိုင်လ ( ၁၉ ) ရက် နေ့သို့ေ၇ာက်သော အခါ၌ မသမာသူတို့က ဗိုလ့်ချုပ်တို့အား လုပ်ကြံလိုက်ကြ သောကြောင့် ပေတည်း ။

နှစ်ပေါင်းကြာလေမှ

ထို့ကြောင့် ဆရာတော်မှာ များစွာ စိတ်ထိခိုက် သွားခဲ့၏ ။ နိုင်ငံ၏ နောင်ရေး အတွက်တွေး၍ ရင်မအေး နိုင်အောင်ဖြစ်သွား ခဲ့၏ ။ ရေးလက်စဖြစ်နေသော လူသေလူဖြစ် ကျမ်းကိုပင် ဆက်လက် ရေးလိုစိတ်မရှိတော့၊ ဆရာတော်၏ လက်သည် အင်အားများ ကုန်ခမ်းသွားသလို ဖြစ်ခဲ့ရလေသည်။ ကလောင်ကိုပင် ဆက်လက် မနှင်နိုင်တော့။ နောက်မှ တဖြေးဖြေး တရားနှင့် ဖြေ ကာပြန်ဆက်ခဲ့ရသည်။ ထို့ကြောင့် မူလက တဝါတွင်းနှင့် အပြီးရေးမည်ဟုအားခဲ၍ ထားခဲ့သော လူသေ လူဖြစ်ကျမ်းသည် ၁၉၅၀- ပြည့်နှစ်မှပင် နိဂုံးကမ္ပတ် အဆုံးသတ်ခဲ့ ရလေတော့သည်။

ဤရာဇဝင် နောက်ကြောင်းကလေးကို ဆရာတော်က ကျွန်တော်တို့အားမိန့်ကြား ပြလေသည်။ ဤရာဇဝင် ကလေးကို ကြားရ တော့မှပင် ကျွန်တော်တို့လည်း အံ့သြကြရခြင်းနှင့် အတူ လူသေလူဖြစ် ကျမ်းစာအုပ်ဖြစ်ပေါ် လာရခြင်း၏ အကြောင်းရင်းကို သိကြရတော့ သည်။

ဗိုလ်ချုပ်၏ မျိုးချစ်စိတ်

တဖန်ဗိုလ်ချုပ်အောင်ဆန်းက ဆရာတော်အား လူသေ-လူဖြစ် ကျမ်းစာကို ရေးသားရန် လျှောက်ထား ခဲ့သည်မှာလည်း အကြောင်းရင်းများ ရှိပြန်ပေ သေးသည်။ ဗိုလ်ချုပ်သည် နိုင်ငံကို ပြင်းပြစွာ ချစ်သည်။မျိုးချစ် စိတ်ပြင်းပြသည်။ ထို့ကြောင့် ဒုက္ခအမျိုးမျိုး ၊ ဆင်းရဲအမျိုးမျိုး ခံကာ၊ တိုက်ပွဲများကို ဦးဆောင်ဆင်နွှဲခဲ့လေသည်။ နိုင်ငံလွတ်လပ်ရေး အတွက်အမျိုးမျိုး ကြိုးပမ်းအားထုတ်ခဲ့လေသည်။

အထူးသဖြင့် နောင် လွတ်လပ်ရေးရယူပြီးသော အခါ၌ မြန်မာနိုင်ငံအား သူတို့ သြဇာအောက်တွင် ထားလို ကြသော တိုင်းတပါး သား နယ်ချဲ့ လက်သစ်များကို အမျိုးမျိုးရန်စကျူးကျော်၍ ဒုက္ခပေးလာကြမည့်အရေးကို ဗိုလ်ချုပ်က ကြိုတင် တွက်ချက် ထားခဲ့သည်။ ထို့ကြောင့် မြန်မာ တနိုင်ငံလုံးမိမိတို့၏ အချုပ်အချာအာဏာနှင့် လွတ်လပ်ရေးကို တည် တန့်ခိုင် မြဲအောင် ထိန်းသိမ်း ကာကွယ်စောင့်ရှောက်နိုင်ကြရန် ရဲသွေး ရဲမာန်များ လိုအပ်သည်။ သို့အတွက် တမျိုးသားလုံး ရဲရဲ တောက် အာဇာနည်တွေ   ဖြစ်လာအောင်အတွေး အခေါ်သစ် အယူအဆသစ်ယုံကြည်ချက်အသစ်များဖြင့် ဇာတ်သွင်း ပေးရမည်ဟု ဗိုလ်ချုပ်ကသိမြင် နားလည်သည်။ ဤသည်တို့ကား တဖက်မှ အကြောင်းရင်းများပေတည်း။

ကြီးမားသော ရည်မှန်းချက်

သို့သော် ကျွန်တော်တို့သည် ဤမျှအထိ နိုင်ငံနှင့်လူမျိုးအတွက် ကြီးမားသော ရည်မှန်းချက် အစီအစဉ်ဖြင့် ရေးခဲ့သည်ဟု မထင်မိ၊ တကယ့်အမျိုးသား ခေါင်းဆောင်ကြီးတယောက်၏ တောင်းဆိုမှုကြောင့် ဖြစ်ပေါ်လာရသည် ဟူ၍လည်း မရိပ်စားမိ။
ယခုတော့ ဆရာတော်ကိုယ်တိုင်က အကြောင်းရင်း ဇစ်မြစ်ကို ဖွင့်ဟမိန့်ကြားလိုက်လေသဖြင့် ကျွန်တော်တို့၏ အထင်များ လွဲခဲ့ ရလေပြီ။ လူသေ-လူဖြစ်ကျမ်း စာကားအကြောင်းမဲ့ ပေါ်ထွက်လာခဲ့သည်မဟုတ် ဆရာတော် သျှင်ဥက္ကဋ္ဌ၏ စိတ်အလို ဆန္ဒ တခုတည်းဖြင့် ရေးသားခဲ့သည်မဟုတ်၊ ကျွန်တော်တို့၏ လွတ်လပ်ရေး ဗိသုကာကြီး လည်းဖြစ်၊ အမျိုးသား ခေါင်း ဆောင် ကြီးလည်းဖြစ်လေသော ဗိုလ်ချုပ်အောင်ဆန်းကိုယ်တိုင်က နိုင်ငံ၏နောင်ရေးအတွက် တမျိုးသားလုံး၏ သူရသတ္တိ များ ထာဝစဉ်ပြောင်မြောက်လာရေးအတွက် လျှောက်ထားတောင်းဆိုခဲ့သောကြောင့်သာ ထွက်ပေါ်လာရခြင်း ပေတကား ။ ရေးသားထုတ်လုပ်လိုက်ရခြင်းပေတကား။ ။

မူရင်းရေးသူ ဦးမင်းအောင် ( အိုးဝေဂျာနယ် ၁၉၇၁ ခုနှစ်)

ရေးသားသူ ဦးမင်းအောင်သည် ဗိုလ်ချုပ်အိမ်သို့ ဆွမ်းစားကြွခဲ့သော သျှင်ဥက္ကဋ္ဌ ဖြစ်ထွေ ခေါင်းစဉ်ဖြင့် လွန်ခဲ့သော နှစ်ပေါင်း( ၄၀ ) ကျော်က အိုးဝေဂျာနယ်တွင် ရေးခဲ့သော်လည်း ဤနေရာ၌ စာရေးသူသည် ဘာသာရေး ရှုထောင့်ဖြင့် တင်ပြလိုသောကြောင့်   ခေါင်းစဉ်နာမည် ပြောင်းကာ တင်လိုက်သည်ကို နားလည်ခွင့်လွှတ်နိုင်လိမ့်မည်ဟု မျှော်လင့် ပါသည်။

အဘယ့်ကြောင့် ဆိုသော် ဘုရားဟော မဟုတ်ခဲ့သော ဗုဒ္ဓဘာသာ သမိုင်းများတွင် လူသေလျင် လူပြန်ဖြစ်သည် ( လူကြီး သေလျင် တမလွန်ကိုတွေးပူနေစရာမလို၊ လူကလေးပြန်ဖြစ်လိမ့်မည် ) ဟူသော ၀ါဒမှာ တော်တော်ပေါ်ပြူလာ ဖြစ်ခဲ့သည်၊ ယနေ့အထိ တိုင် ဖြစ်နေဆဲ၊ နောင်လဲ ဖြစ်နေအုံးမည် ထင်ပါသည်၊ ချွင်းချက်ရှိသည်က သံဃာလောကမှာရော ဒကာ ဒကာမများပါ ထိုကျမ်းစာကို ယနေ့အထိတိုင် လက်မခံကြခြင်းပင်၊ စာရေးသူကိုယ်တိုင်ပင် ငယ်စဉ်ကတဆင့်စကားဖြင့် ဆရာတော်သည်   တော်လွန်း တတ်လွန်းသောကြောင့်( ပညာတတ်လွန်းပြီး သဒ္ဓါတရား ယုံကြည်မှုအားနည်းသောကြောင့် ) လမ်းလွဲသို့ ရောက်သွားဟန်တူသည် ဟု ထင်မှတ်ခဲ့သည်၊

ဆရာတော်သည် ထိုခေတ်ထိုအချိန်က စစ်တိုက်ဖို့ တွန့်ဆုတ် တွန့်ဆုတ် ဖြစ်နေမည် စိုးသောကြောင့် အားပေးစကား တွန်းအား ဖြစ်စေရန် မိမိကလောင်ကို ရင်းနှီးလိုက်ဟန်တူသည်။ တဆက်တည်းတွင် နိုင်ငံအပေါ် ပြည်သူအပေါ် အနစ်နာခံကာ ရှေ့ရေး မျှော် တတ်သော ဗိုလ်ချုပ်၏ စိတ်ဓာတ်ကို အထူးလေးစားမိရသည်။ သို့သော် အစိန္တိတမ္ပိ ဘ၀တိ၊ မထင်မှတ်ထားတာတွေလဲ ဖြစ်လာတတ်တယ်၊ စိန္တိတမ္ပိ ၀ိနဿတိ- ကြိုတင်ကြံစည်ထားတာတွေလဲ ပျက်စီးသွားတတ် တယ် ဆိုသော ဗုဒ္ဓစကားတော်အတိုင်း ဆရာတော်မျှော်မှန်းထား သလိုကား ဖြစ်မလာခဲ့၊ သူ့ကလောင် သာ ဘာသာရေး တရားခံ၊ အဓမ္မ၀ါဒအဖြစ် သတ်မှတ်ခံရကာ အမည်းစက်ကြီးအဖြစ် သမိုင်းတွင်ရစ်ခဲ့သည်။

စာကိုး။    ။  ရေးသားသူ ဦးမင်းအောင်၊  အိုးဝေဂျာနယ် အမှတ် ( ၆၃ ) ၊ ၁၅ . ၇ . ၁၉၇၁ ။ စာမျက်နှာ ( ၁၄ - ၁၅ )